• Сообщается от Ибн ‘Аббаса, что Посланник Аллаhа ﷺ сказал (смысл): «Тот, в сердце которого нет ничего из Корана, подобен разрушенному дому!». Хадис передал ат-Тирмизи 2913.

РОСАС ЧIУЖУЯЛЪУЛ ГЬАРУЛЕЛ ГЬОРКЬОБЛЪАЛАЗУЛ АДАБАЛ (аварск.яз.)

Шивав инсанасул батIи-батIияб букIуна чIужуялъулгун гьабулеб хьвади. Жиндир хьвади шаригIаталдаго борцинчIого гIумру тIамулев чияс чIужуялъулгун гьоркьоблъи гьабула жиндирго нафсалда берцин бихьухъе. ЧIужу хIинкъизайи, бокьа-бокьараб гьабизе гьей тIами, гьелда цебе жиндирго бахIарчилъиги къуватги бихьизаби цоцоязда чIухIилъун бихьула.

муж (1)

Цогидазин абуни, гIалхуде биччан тараб барти гIадин, бокьа-бокьараб гьабизе йиччан тола жиндирго чIужу. Гьелъие гIорхъолъа борчIараб кIодолъи гьабула, черх къватIиб лъолел модами гьаруниги гьелда тIад рекъон чIола.

Бищунго рос-лъадуе лъикIаб ва пайдаяб хьвадилъун рикIкIуна, исламияб диналъул цIадирабаздаги лъун, гьелда борцун гьабулеб хьвади.

Нилъеца рехсела исламияб диналъ росасдасан тIалаб гьарулеб хьвада-чIвадиялъул цо-цо адабал.

 

 

1. ЧIужуялъулгун берцинаб хасият хIалтIизабила, гьелъул зарал баччулевлъун вукIина. Гьелъ абураб захIмалъулеб рагIиниги, гьабураб пишаниги гъапуллъун, тIаса-масаго тела, шаргIалъул гIорхъодаса борчIараб жо гьабичIебгIан заманаялда.

 

2. Гьел берцинго мутIигIлъун ругелдаса хадуб гьелгун дагIбадиларо, гьел ратIа гьариларо, гьезие къварилъи гьабиларо.

Салат-салам лъеяв Аварагас къо-мех лъикI гьабулеб хIежалда васият гьабуна: «Нужеца руччаби къварид гьаруге»- абун.

Анасидасан бицараб хIадисалда буго: « Салат-салам лъеяв Аллагьасул Расул вукIана киналго гIадамазда гьоркьов лъималаздаги руччабаздаги бищунго жив гурхIулевлъун»-абун

 

3. ГIицIго гьезул зарал баччиялда къокълъун чIеларо, гьоркьо-гьоркьоб гьезулгун махсаро гьабила, гьелъ гьезул ракIал роххизарула ва авадан гьарула.

Салат-салам лъеяв Аварагасги гьабулаан жиндирго руччабазулгун махсаро.

ХIадисалда буго: « Бищун иман камилав муъминчи, бищунго гIамал-тIабигIат берцинав, жиндирго агьлоялда бищунго гурхIулев чи вуго» – абун.

 

4. ЧIужу цIакъго гогьдарилеб хIалалъ, гьелъул тIабигIат пасалъулеб куцалъ, тIубанго гьей еэдун, гьелъие бокьа-бокьараб гьабунги вукIинаро рос.

ШаргIалдаги гIакълоялдаги рекъолареб, мункараб жо бихьараб заманалда ццидахина, гьединго гьеб толареблъи лъазабила. Кинабго жоялъулъ хIакъаб рахъ тIаса бищила, рос вукIине ккола унтуда рекъон дару хIалтIизабулев лебалав тохтирасда релълъун.

 

5. КъваригIел пишаялде цIалел гIаламатал чIужуялъул загьирлъулел ругони, гьел рихьичIеб хвел гьабун чIезе бегьуларо рос. Расги гуреб жоялда сверухъ шакдарилев васвасдулевги вукIине бегьуларо. Гьеб кIиябго рахъ какараб буго, гьоркьохъеб хIал цIунизе ккела.

Гьаб заманалда гIемерал бихьиназ гьабулеб, рекъечIеб ишлъун ккола, жиндирго гьудулзаби яги гьалбал рачIиндал, жалго столалда нахъа гIодорги чIун, кеп гьабулел рукIуна гьел, черхги цебе лъун гьесул чIужуги ясги рукIуна квен цебе лъолел, ва нахъе босулел, бихьиназда цере свердулел. Гьединго рекъечIеб пишалъун ккола, жиндирго чIужуги ячун цо чи жиндирго гьудуласухъе ин, цинги кIиясулго руччабиги гьал жалгоги цо столалда нахъа гIодорги чIун квана-гьекъей.

Гьединго шаригIаталъ какараб жо лъун ккола, хIажалъи гьечIого базаралде, тукабазде, къватIазде руччаби свердизе риччан тей, чIухIараб, черх бахчулареб ретIелги ретIун, махIалги гьарун гьел рокъоса къватIире рахъи. Квешал гIаламатал загьирлъун хадусаги берал къанщун, бихьичIеб ххвел гьабун чIейги беццараб гьечIо. Гьединал чагIазе Аллагьас нагIана кьолин буго.

 

6. Нафакъа-кисваталъулъ, чIужуялъе кьолеб жоялъулъ къварилъиги гьабиларо, гIорхъолъа иниги гьабиларо, гьоркьохъеб хIал чIезабила.

ХIадисалда буго: «Цо динар Аллагьасул нухда хвезабурав, цоги динар лагъ тархъизе гIоло хвезабураб, цоги динар мискинчиясе садакъаялъе кьураб, цоги динар дурго агьлоялъе кьураб (данде ккуни), гьезул бищун кири цIикIкIараб дурго агьлоялъе кьураб буго» – абун.

 

7. ГIаракъи бичун, риба хIалтIизабун, бикъун, бахъун швараб гIарцудалъун чIужу-лъимал хьихьизе хIарамаб буго.

Исламалъул байбихьуда рукъалъул бетIергьанчи магIишат гьабизе вахъунаго, гьесул агьлоялъ гьесде гьарулеб букIана, хIараб бакIалдаса дуца нижее гIарац бачIунге, ракъунги къечонги рукIине нежеда кIола, амма хIарамаб жоги кванан жужахIалъул цIа хIехьезе кIоларо абун.

 

8. Черх цебе лъун, гьуин махIал рахъизарун руччаби хьвадизе тейги бихьинчиясул гIайиб буго. Гьесдаса Къиямасеб къоялъ гьеб жоялъул жаваб тIалаб гьабизеги буго.

ХIадисалда буго: « ГIадамазда махI чIваялъул нияталда, чIужу гIаданалъ берцинаб махI гьабунани, гьедин къватIиеги яхъанани гьелъие зина чIужуялъе гIадаб хIакъ букIуна»- ян.

Гьединго хIадисалда буго: «Нужер щивав – вехь вуго, гьес жиндир рехъадул жавабги кьезе буго»- абун.

 

9. Росасда тIадаб буго чIужуялда иман-исламалъул, какил, хIайзалъул, хIалал-хIарамлъиялъул ахIкамал малълъизе. Жинда лъалеб батичIони лъалесдеги гьикъун цинги малълъила, малъулеб гьечIони, жийго чIужу ина гIалимчиясде аскIое лъачIеб жо цIехезеги лъазабизеги.

 

10. Цоялдаса цIикIкIарал руччаби ругев чиясе, гьезда гьоркьоб квен-тIех, ретIел-хьит, нафакъа кьеялъулги сордо борчIиялъулги ращалъи гьабизе тIадаб буго.

 

11. ЧIужуялъул цебе букIаралдаса гIамал хисани, мутIигIлъиялде инкар гьабуни, яги как тани, яги тIалаб гьабун хадуса росасул черхалъе бокьараб жоялде инкар гьабуни, росас Къуръан-хIадисалдасан вагIза гьабила гьей кантIизаюлеб, гьелъие букIунеб хIакъкъ-хIисабалъул бицина. КантIичIони бусен батIа гьабила, гьеб мехалъги кантIичIони ихтияр буго чIужу юхизе. Амма юхи букIине ккола ракьа бекиларедухъ, би баккуларедухъ, ругъун лъоларедухъ, гьурмада кьабизеги хIарамаб буго, мутIигIлъун хадуса цебе ккараб жо кIочон тезеги тIадаб буго.

 

Аллагьас жив разияб хIалалда рукъалъул агьлу данде бачизе тавфикъ кьеги! Амин!

Поделиться в соц. сетях

Опубликовать в Facebook
Опубликовать в Мой Мир
Опубликовать в Одноклассники
Метки . Закладка постоянная ссылка.

Возможность комментирования заблокирована.